Телевизиони вилоятии Хоруғ бахшида биступанҷумин солгарди таъсиси Кумитаи ҳолатҳои фаввқулодда ва мудофиаи граждании назди Ҳукумати Ҷумҳурии Тоҷикистон викторинаи телевизионӣ ташкил кард. Ин барномаи хеле ҷолибу шавқовар аз 15 июл шуруъ гардид ва қарор аст то 8 август идома кунад. Дар ҳар барнома дастаҳои ширкаткунанда ба даҳ суол посух медиҳанд. 

Ин ҳодиса рӯзи 17 июли соли равон дар майдони амудии кони №8 мутааллиқ ба Ҷамъияти саҳҳомии Кушоди “Ангишт”-и шаҳри Исфараи вилояти Суғд рух дод.   Панҷ  нафар кормандони взводи ҳарбии наҷоти кӯҳии КҲФ дар шаҳри Хуҷанд таҳти роҳбарии муҳандиси минтақавии роҳандозии корҳои пешгирӣ аз ҳаводиси нохӯш А.Эшонбобоев ва фармондеҳи взводи наҷоти кӯҳӣ И.Маликов чаҳор тан кӯҳканҳои дар умқи 270 метр дармондаро берун оварданд ва ҷонашонро аз хатар наҷот доданд

Дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ 16 - уми июли соли равон дар маҷмааи варзишии шаҳри Хоруғ  маросими ифтитоҳи чорабинии варзишӣ, бахшида ба 25-умин солгарди таъсисёбии Кумита аз намуди футболи хурд баргузор гардид. Дар ин маросим намояндагони Ҳукумати вилоят, мудири бахши ҳуқуқии дастгоҳи Раиси вилоят, сардори Раёсати ҷавонон ва варзиш дар ВМКБ иштирок доштанд.

Дар мусобиқот 13 дастаи варзишгарони сохторҳои қудратӣ иштирок менамоянд.  

Шабонарӯзи гузашта кормандони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд се нафарро аз хатари ғарқ шудан дар об наҷот доданд. Ду нафари онҳо  мардон ва яке хонум - сокинони ноҳияҳои Деваштич ва Спитамен будаанд.

Дар гузориш гуфта мешавад, ки ин се тан дар ҷойи мамнуъ барои шиноварии дарёи Сир дар қаламрави шаҳри Хуҷанд шиноварӣ мекарданд. 

Истироҳаткунандагон шинокунон аз соҳил дур рафтанд ва намедонистанд, ки дар бозгашт қувваи онҳо барои то соҳил шино кардан намерасад.

Дирӯз дар хабаре хондам, ки антисиклон ҳавои гармро дар Қазоқистон нигоҳ медорад. Табиист, ки ин ба Тоҷикистон низ дахл дорад. Аммо суоли ман дар бораи истилоҳи антисиклон аст. Ин чист ва чӣ хатар дошта метавонад?

Азизмуҳаммад Шарифов, шаҳри Душанбе