Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии кишвар хабар медиҳад, ки рӯзҳои наздик, бахусус соатҳои шабонаву субҳгоҳӣ дар баъзе минтақаҳои кӯҳиву наздикӯҳии ноҳияҳои тобеъи марказ, қисмати ғарбии ВМКБ боронҳои шадид ва раъду барқ дар назар дошта шудааст.

Пас аз шиносоӣ бо рафти сохтмони манзилҳои истиқоматӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳамин мавзеъ бо сокинони аз офати табиӣ зарардидаи ноҳияи Абдураҳмони Ҷомӣ мулоқоти самимию судманд баргузор намуданд.

Сарвари давлат таъкид доштанд, ки Ҳукумати Ҷумҳурии...

15 июн Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади боздид аз ҷараёни корҳои сохтмонии манзилҳои истиқоматии сокинони аз офати табиӣ зарардида, ба истифода додани иншооти гуногун, шиносоӣ бо рафти амалишавии дастуру супоришҳои Ҳукумати Ҷумҳурии Тоҷикистон ва мулоқот бо сокинон бо сафари корӣ ба вилояти Хатлон ташриф оварданд.

Кормандони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд рӯзи гузашта, 13-уми июн ҷони боз як нафарро аз хатари ғарқи об шудан наҷот доданд. Ин ҳодиса дақиқан соати 11:30 дарқиқа дар соҳили Баҳри Тоҷик рух дод.

Ғарқшуда як ҷавони 21-сола, сокини Ҷумҳурии Ӯзбекистон буд, ки муваққатан дар шаҳри Хуҷанд мезистааст. 

Дирӯз, 13-ми июн, соати 15:27 дақиқа ба қисми навбатдории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар доданд, ки шамоли сахт болопӯши бинои 13/1, воқеъ дар кӯчаи Фирдавсии ноҳияи Фирдавсии шаҳри Душанберо кандаву, масоҳати 91 метри мураббаъи он ба замин афтодааст. Ин бино аз чор ошёна иборат будааст.