Кормандони Раёсати Кумитаи ҳолтаҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе низ ба хотири пешгирӣ аз хавфу хатарҳои эҳтимолӣ дар обҳо дар остонаи фасли гарм дар махзанҳои оби “Чорбоғ”, “Душанбе”, “Кӯли ҷавонон” ва “Варзоб”, ки дар қаламрави шаҳри Душанбе мебошанд, рейд гузарониданд ва омодагии ин тафреҳгоҳҳоро ба қабули истироҳаткунандагон

7-уми июни соли 2021 наҷотдиҳандагони Раёсати КҲФ дар вилояти Суғд муваффақ ба наҷоти ду ноболиғ шуданд, ки яке 10 сол дошту дуюмӣ 14 сол. Ин ҳодиса дар соҳили дарёи Сир рух дод.

Навбатдорон аз ҷумла наҷотдиҳандагони Раёсат ду ноболиғеро, ки  дар қаламрави шаҳри Хуҷанд дар оби дарёи Сир ғарқ мешуданд, наҷот доданд.

Кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар мавсими оббозӣ пайваста дар соҳили махзанҳои об рейдҳо мегузаронанд. Ин гуна чорабиниҳо бо мақсади санҷишу тафтиши риояи қоидаҳои бехатарӣ ҳангоми оббозӣ гузаронида мешаванд. Ҳамзамон дар ҷараёни роҳандозии ин рейдҳо омодагиҳои хадамоти наҷот дар тафреҳгоҳҳо санҷида шуданд.

Кумитаи ҳолатҳои фавқулодда ва мудофиаи граждании назди Ҳукумати ҷумҳурии Тоҷикистон истинодан ба Агентии ҳавошиносии Тоҷикистон  хабар медиҳад, ки бар асари вуруди ҳавои гарму хушк аз минтақаҳои ғарбӣ дар қаламрави кишвари мо ҳавои гарм ва хушк боқӣ мемонад.

Дамои ҳаво дар водиҳо 37+42, дар ноҳияҳои ҷануб то +44 ва дар ноҳияҳои кӯҳӣ то +30+35 дараҷа гарм мешавад.

Аз риоя накардани  қоидаҳои бехатарӣ дар обҳо ва надонистани қоидаҳои оббозӣ ва шиноварӣ дар ҷойҳои мамнӯъ рӯзҳои истироҳати гузашта 5 нафар ғарқ шуданд, ки 3 нафари онҳо бачаҳои ноболиғ буданд.

6 – уми июни соли 2021 ду бародарон аз шаҳри Бӯстони вилояти Суғд, ки яке 11 ва дуюми 6 сол дошт, ҳангоми оббозӣ вақти оббозӣ дар дар дарёи Сир ғарқ шуданд. Ҷасади онҳо...