Дастаи зудамали наҷоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ субҳи рӯзи 22-уми августи соли равон, соати 09:40 дақиқа аз соҳили дарёи Панҷ, дар қаламрави деҳаи Барчиди ҷамоати деҳоти Поршневи ноҳияи Шуғнон ҷасади як ҷавони 17-соларо пайдо ва ба хешовандонаш супурд.
Ин ҷавон сокини шаҳраки Исмоили Сомонии...

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии кишвар хабар медиҳад, ки то 24-уми августи соли 2021  дар баъзе ноҳияҳои тобеъи ҷумҳурӣ, қисмати ғарбии Вилояти Мухтори Кӯҳистони Бадахшон ҳавои гарм боқӣ мемонад ва эҳтимоли омадани селҳо бар асари об шудани пиряхҳо ва резиши санг дар роҳҳову минтақаҳои кӯҳӣ вуҷуд дорад.

Раёсати Кумитаи ҳолатҳои фавқулодда ва мудофиаи граждании назди Ҳукумати ҷумҳурии Тоҷикистон дар вилояти Хатлон хабар дод, ки дирӯз, 20-уми август Муовини раиси вилояти Хатлон Акрам Сулаймонзода ба 8 оилаи зарардида аз сели рӯзи 11-уми май дар деҳаи Иттифоқи ҷамоати деҳоти 20-солагии Истиқлолияти Тоҷикистони ноҳияи Вахш калиди хонаҳои навро тақдим намуд.

Соати 16:34 дақиқаи рӯзи 18-уми августи соли равон дар қаламрави Тоҷикистон боз заминларза ба қайд гирифта шуд. Ин дуюмин такони замин дар кишвар буд. Маркази заминларза 292 километр ҷанубу шарқ аз шаҳри Душанбе, 38 киллометр ҷанубу шарқ дар шаҳри Хоруғ  буда, қувваи заминларза дар маркази он 4 балл,  дар шаҳри Хоруғ 3 баллро ташкил дод.

Аз талафоти ҷониву хисорат хабар нарасидааст.

18 – уми августи соли равон билохира амалиёти ҷустуҷӯ ва овардани ҷасади халабони ҳалокшудаи чархболи Ми-8 Қувваҳои сарҳадии Тоҷикистон ба анҷом расид ва ҷасади Сергей Тютин аз баландии бештар аз 5 ҳазор метр поин оварда шуд. Ин чархбол 4-ми августи соли равон ҳангоми кумакк ба сайёҳон дар пиряхи Федченко, воқеъ дар қаламрави ноҳияи Ванҷи ВМКБ сарнагун шуда буд.