Сардори Раёсати КҲФ ва МГ дар шаҳри Душанбе полковник Неъматзода Рамазон

Мақомоти ҳолатҳои фавқулодда ва мудофиаи граждании шаҳри Душанбе саҳифаҳои таърихии худро аз соли 1977 оғоз намудааст.

Аз 1 июли соли 1977 бо Қарори Совети Вазирони Республикаи Советии Сотсиалистии Тољикистон Ситоди мудофиаи граждании шаҳри Душанбе таъсис дода шуда, ин сохтор фаъолияташро то соли 1994 идома дод.

Дар асоси Қарори Шӯрои Вазирони Ҷумҳурии Тоҷикистон аз 17 августи соли 1994, № 400 Кумита оид ба ҳолатҳои фавқулодда ва корҳои мудофиаи граждании назди Ҳукумати Ҷумҳурии Тоҷикистон таъсис дода шуда, дар доираи такмили сохтор Ситоди мудофиаи граждании шаҳри Душанбе ба Ситод оид ба  ҳолатҳои фавқулодда ва мудофиаи граждании шаҳри Душанбе табдил дода шуд.

Бо мақсади ба танзим даровардани фаъолияти Ситод, инчунин васеъ намудани вазифаҳо, ваколатҳо ва ҳуқуқҳо бо Қарори Ҳукумати Ҷумҳурии Тоҷикистон аз 29 ноябри соли 2017,     № 547  «Дар бораи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон» ба сохтори штатии Ситод тағйироту иловаҳо ворид карда шуда, Ситод оид ба ҳолатҳои фавқулода ва мудофиаи граждании шаҳри Душанбе ба Раёсати Кумитаи ҳолатҳои фавқулодда ва мудофиаи гражданӣ дар шаҳри Душанбе табдил дода шуд.

Дар доираи такмили сохтор, Курсҳо ба Маркази таълимӣ-методӣ ва ситодҳои ноҳияҳои шаҳри Душанбе ба шуъбаю бахшҳо табдил дода шуданд.

Раёсати шаҳри Душанбе, аз шуъбаҳо, бахшҳои ноҳиявӣ, Маркази таълимӣ-методӣ, Дастаи махсуси зудамали наҷотдиҳӣ ва шуъбаҳои мухталиф иборат мебошад, ки ҳар яки онҳо дар пешрафти соҳа, пешгирии ҳолатҳои фавқулодда саҳми худро гузошта истодаанд.