Сардори Раёсат полковник Маризоев Маҳамаднаим Қадамович

Бо Қарори Ҳукумати Ҷумҳурии Тоҷикистон аз 27 ноябри соли 1999, № 479, шуъбаи ҳамкориҳои байналмилалӣ ҳамчун як ҷузъи сохтории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон тасдиқ карда шуд. Мутобиқи Фармони Президенти Ҷумҳурии Тоҷикистон "Дар бораи такмили сохторҳои мақомоти марказии ҳокимияти иҷроияи Ҷумҳурии Тоҷикистон" аз 30 ноябри соли 2006, № 9 ва Қарори Ҳукумати Ҷумҳурии Тоҷикистон аз 28 декабри соли 2006, №611, ба сохтори Кумитаи ҳолатҳои фавқулодда ва мудофиаи гражданӣ тағйирот ворид карда шуда ва дар заминаи шуъбаи ҳамкориҳои байналмилалӣ Раёсати ҳамкориҳои байналмилалӣ таъсис дода шуд.

Бо Қарори Ҳукумати Ҷумҳурии Тоҷикистон аз 29 ноябри соли 2017, № 547 сохтори мавҷудаи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз нав тасдиқ  гашта, айни замон аз ду шуъба иборат аст: 1.шуъбаи ташкили ҳамкориҳои байналмилалӣ ва таъминоти протоколӣ;

2.шуъбаи шартномавӣ-ҳуқуқӣ ва ҳамоҳангсозии кумакҳои башардӯстона.

Раёсат, дар доираи масъулияти худ, якҷоя бо сохторҳои дахлдори Кумита лоиҳаҳои созишномаҳои байналмилалиро таҳия ва барои баррасӣ пешниҳод менамояд.

Илова бар ин, дар асоси созишномаҳои байналмилалии ҳамкорӣ Кумита фаъолияти мутамаркази робитаҳои хориҷиро таъмин менамояд, дар соҳаи ҳамкориҳои мутақобилан судманд бо вазорату идораҳо, ташкилотҳои илмӣ, инчунин масъалаҳои байналмилалии марбут ба ҳолатҳои фавқулодда, ки табиӣ ва характери технологӣ барои пешгирии ҳолатҳои фавқулодда ва рафъи оқибатҳои онҳо.

Раёсат, дар навбати худ, кӯмаки башардӯстона ба аҳолии аз офати табиӣ назоратро таъмин менамояд, таъминоти моддию техникии аз ҷониби Ҳукумати Ҷумҳурии Тоҷикистон, давлатҳои хориҷӣ ва ташкилотҳои байналмилалӣ пешбинишуда, истифодаи мақсаднок, тақсимот ва хароҷоти онҳоро ҳамоҳанг месозад.