19 июни соли 2019 дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ семинари омӯзишӣ дар мавзуи “Системаи идорӣ ва амали саривақтӣ дар ҷойи ҳодиса ҳангоми ҳолатҳои фавқулодда” баргузор шуд.

 Дар семинар роҳбарон ва ҳайати шахсии Раёсат ва мутахассисони Агентии Оғохон оид ба макони зист ширкат намуданд.

Дар ҷараёни семинар рӯнамои идораи вазъи буҳронӣ, табодули таҷрибаи маҳорату малакаҳо оиди бартарафсозии оқибатҳои ҳолатҳои фавқулодаи табиӣ ва техногенӣ пешниҳод шуд.

Се наврасе, ки шояд бехабар ва шояд огоҳона дар минтақаи мамнуъ ба шиноварӣ оббозӣ мекарданд, аз хатари як марги иҷборӣ наҷот дода шуданд. Онҳоро метавонист мавҷи пурталотуми Сир ба коми худ фурӯ барад, агар сари вақт ба кумакашон наҷотдиҳандагони Кумитаи ҳолатҳои фавқулодда намерасиданд. Ва чӣ зиёданд ин гуна ҳолатҳо, ки наврасону кӯдаконро бузургсолон беназорат мегузаранд ва онҳое, ки аз қоидаҳои шиноварӣ огоҳ нестанд, худро ба коми дарё медиҳанд. Ин аст, ки Кумита ба падару модарон ҳушдор медиҳад: Ҳушёр бошед, фарзандонатонро беназорат нагузоред!

Фарорасии тобистону мавсими гармову шиноварӣ аз кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон балат мекунад, ки бештар миёни мардум бошанд ва тадбирҳои бехатариро таблиғ кунанд. Ҳамин гуна як мулоқот дар шаҳри Гулистон дар ҳамкорӣ бо маорифи шаҳр бо кормандон ва донишҷўёни Коллеҷи тиббӣ баргузор гардид.

 Дар авҷи мавсими оббозӣ кормандони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд ба корҳои таблиғотӣ ҷиҳати пешгирӣ аз ҳолатҳои нохӯш идома медиҳанд. Корҳои таблиғӣ дар баробарои санҷиши ҳолати тафреҳгоҳҳои соҳилӣ, мавҷудияти таҷҳизоти тиббӣ ва гӯшаҳои деворӣ бо варақаву дастурҳои таблиғотӣ сурат мегирад. Онҳо бешар ба постгоҳҳои назоратӣ ва бозомӯзии кормандони наҷот таваҷҷуҳ мекунанд.

Ба зарардидагони ноҳияву шаҳрҳои вилоятҳои Суғду Хатлон кумакҳо сарозер шуданд. Кумитаи ҳолатҳои фавқулодда баъди  омӯзиши вазъ якҷо бо шариконаш аз паймони РЕАКТ ба офатзадагон ёриҳои башарӣ расонд ва тақсим кард. Рафти барқарорсозии харобиҳои офоти табиӣ зери назарат гирифта шудааст.