7-уми июни соли 2021 наҷотдиҳандагони Раёсати КҲФ дар вилояти Суғд муваффақ ба наҷоти ду ноболиғ шуданд, ки яке 10 сол дошту дуюмӣ 14 сол. Ин ҳодиса дар соҳили дарёи Сир рух дод.

Навбатдорон аз ҷумла наҷотдиҳандагони Раёсат ду ноболиғеро, ки  дар қаламрави шаҳри Хуҷанд дар оби дарёи Сир ғарқ мешуданд, наҷот доданд. Ин ду нафар, ки 14 сол доштанд, сокинони шаҳри Хуҷанд буданд. Онҳо иттифоқан дар ҷойи барои оббозӣ мамнуъ шиноварӣ мекарданд.

Баъди наҷот ба онҳо кумаки аввалияи тиббӣ расонда шуд. Вазъи саломатиашон хуб буд ва бемористон барои муоинаи духтурон бурданро рад карданд.

Маврид ба ёдоварист, ки чанд рӯз пеш ду ноболиғи дигари 10-14-сола, ки сокинони ноҳияи Ҷаббор Расулов буданд, аз ҷониби дастаи ғаввосони Раёсати КҲФ дар вилояти Суғд наҷот дода шуда буданд.  

Ин аввалин ҳодисае нест, ки шаҳрвандон аз беназоратии калонсолон дар обҳо ғарқ мешаванд. Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо эҳтиром аз волидон хоҳиш мекунад кӯдакони худро беназорат нагузоранд. 

 Ш. Нуриддинзода