Кумитаи ҳолатҳои фавқулодда ва мудофеаи граждании Тоҷикистон аз наҷоти 14 чиноӣ дар “Баҳри тоҷик” хабар дод.
Бино ба иттилоъи дафтари матбуотии ниҳод ин шаҳрвандони Чин ҳангоми саёҳат дар обанбори «Баҳри Тоҷик», наздикии мавзеи пойгоҳи Сайёҳӣ болои заврақи чӯбин ба хатари ғарқ шудан рӯ ба рӯ шуданд.
Манбаъ мегӯяд заврақ мутааллиқ ба осоишгоҳи “Баҳористон” буд. Сабаб ногаҳонӣ ковок шудани чӯб ва ворид шудани об ба даруни заврақ будааст.  Ин афрод 300 метр дуртар аз соҳил дар ҳоли шино буданд.
Ситоди наҷоти Кумитаи ҳолатҳои фавқулодда дар вилояти Суғд бо андешидани чораҳои фаврӣ ҷони ин 14 чиноии дар хатармондаро наҷот дод