Кормандони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Хатлон бо мақсади пешгирӣ аз ҳодисаҳои нохӯш дар махзанҳои об дар миёни аҳолии шаҳри Бохтар корҳои таблиғотӣ роҳандозӣ карданд ва ба онҳо қоидаҳои бехатарӣ ҳангоми оббозиро фаҳмонданд.

Дар мулоқот бо сокинон ба онҳо фаҳмониданд, ки рӯзҳои гармои тобистон беҳтараш дар кадом гӯшаи шаҳр ва соҳили рӯдхонаву ҳавзҳои оббозӣ истироҳат кунанд ва кадом макон барои оббозӣ мамнӯъ аст. 

Ба муҷарради фаро расидани фасли гармои сол мавсими оббозӣ низ оғоз мешавад. Ҳамасола бар асари риоя накардани қоидаҳои бехатарӣ даҳҳо нафар дар гӯшаву канори кишвар ғарқи об мешаванд.

Командони Раёсати Кумита бештар ба кӯдакону наврасон дарсҳои риояи қоидаҳои бехатарӣ дар обро гузарониданд. Ва ба онҳо фаҳмониданд, ки дар ҳолатҳои нохӯш чӣ бояд кунанд.

Дар поёни мулоқот  миёни ширкаткунандагон варақаҳои таблиғотӣ паҳн карданд, ки аз ҷониби мутахассисони КҲФ омода карда шудааст.