Сообщение об ошибке

Deprecated function: The each() function is deprecated. This message will be suppressed on further calls в функции menu_set_active_trail() (строка 2405 в файле /var/www/vhosts/khf.tj/httpdocs/includes/menu.inc).

Рустам Назарзода

Раиси Кумитаи ҳолатҳои фавқулодда
ва мудофиаи граждании назди
Ҳукумати Ҷумҳурии Тоҷикистон

Генерал-лейтенанти милитсия Назарзода Рустам 28 феврали соли 1959 дар шаҳри Душанбе ба дунё омадааст.
Соли 1976 баъд аз хатми  мактаби миёнаи  № 31-и  шаҳри Душанбе бо роҳхати Вазорати корҳои дохилии Тоҷикистон ба Мактаби олии милитсияи ВКД СССР дар шаҳри Омск дохил шуда,  онро соли 1980 бо баҳои аъло хатм намуд.
Баъди хатми Мактаби олии милитсия аз соли 1980 то 1985 дар вазифаҳои ваколатдор, ваколатдори калони оперативӣ, сардори зершӯъбаи Раёсати кофтукови ҷиноии ВКД Тоҷикистон кор кард.
Аз соли 1985 то 1992 аввал муовин ва баъд Сардори шӯъбаи корҳои дохилии шаҳри  Турсунзода буд.
Аз соли  1990 то 1995  вакили мардумӣ дар Шӯрои олии Ҷумҳурии Тоҷикистон интихоб шуда буд.
Аз соли 1992 то 1995 Сардори Раёсати ҷустуҷӯи ҷиноятии ВКД ва аз соли 1995 то 1996 муовини Вазири корҳои дохилии Ҷумҳурии Тоҷикистон буд.
Аз соли 1996 то 1999 дар вазифаи Раиси Комиссияи давлатии Ҷумҳурии Тоҷикистон оид ба маводи нашъаовар фаъолият кард.
Соли 1999 бо Фармони Президенти Тоҷикистон Директори Агентии назорати маводи нашъаовари назди Президенти Ҷумҳурии Тоҷикистон таъин шуд.
Аз 30 январ то 09 августи соли 2004  Муовини аввали Директори Агентӣ ва аз 9 августи соли 2004 бо Фармони Президенти Ҷумҳурии Тоҷикистон бори дигар Директори Агентии назорати маводи нашъаовари назди Президенти Ҷумҳурии Тоҷикистон таъин гардид. Ва дар ҳамин вазифа то 2-уми феврали соли 2016 кор кард.
Аз 2-уми феврали соли 2016 Райиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон таъин шуд.
Хизматҳояш бо мукофотҳои давлатӣ, аз ҷумла бо Ордени Ситораи Сурх, ордени “Спитамен” дараҷаи I,  медали “Барои хизмати шоён” дараҷаҳои I, II, III, қадр шудааст.