Сообщение об ошибке

Deprecated function: The each() function is deprecated. This message will be suppressed on further calls в функции menu_set_active_trail() (строка 2405 в файле /var/www/vhosts/khf.tj/httpdocs/includes/menu.inc).

Тавсияҳои Кумитаи ҳолатҳои фавқулодда ба ронандагон дар ин рӯзҳои мушкил

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба ронандагоне, ки дар ҳамин рӯзҳои вазнину сахт сафар доранд, чанд тавсияро ҷиҳати таъмини бехатарӣ ироа мекунад:

- аввал дурустии мошинро санҷед, камбудиҳои онро ислоҳ намоед;

- мошинро бо маводи сӯхт комил таъмин кунед ва бо худ маводи сӯхти иловагӣ дошта бошед, то дар ҳоли зарурат барои гарм кардани мошин истифода кунед; 

- чархҳои тобистонаро бо зимистона иваз кунед, мошинҳои калонҳаҷму боркашро бо занҷирҳои зидди лағзиш дар яхҳо, чароғҳои фурӯзон, панҷараи радиатор таъмин намоед, ҳамчунин дурустии системаи гармидиҳии мошинро тафтиш кунед;

- бо худ ҳамтман сару либоси гарм, чароғ, бели хурд, таноби мошинкаш, гугирд, бушкае бо маводи сӯхт, оби гарм гиред;

- доруҳои заруриро дар дорухонаи хурди мошинатон дошта бошед;

- бо ҳамон суръате ҳаракат кунед, ки бехатарӣ дар роҳ риоя шавад, ҳаракатро дар ҷойҳои одамгузар, назди боғчаву мактабҳо, гардишҳову нишебиҳо боз ҳам сустар кунед;

 - ҳангоми ҳаракат дар роҳҳои кӯҳӣ масофаи байни мошинҳоро риоя кунед ва ин масофа ҳар қадар дуртар бошад, беҳтар аст;

- аз ҳаракатҳои тезу гаштҳои тез худдорӣ кунед;

- агар мошини худро барои ин гуна сафарҳои пурхатар омода карда натавонистед, пас хеле хуб мешавад агар ба сафар набароед ва ё муддате сабр кунед, то роҳҳо барои сафар муносибатар шаванд;

- тавсияҳои ВКД, КҲФ дар бораи маҳдуд намудани ҳаракати мошинҳо дар роҳои ҷудогонаро ҳангоми тарма ва резиши санг риоя намоед;

- бо худ симкортҳои якчанд ширкатҳои телефонии Тоҷикистонро дошта бошед;

-  дар ҳолатҳои торикӣ ва туман аз ҳаракат дар роҳҳои мошингард худдорӣ намоед.