Бино ба гузорише, ки ахиран ВВС интишор дод, Британияи Кабир дар суръати афзоиши сироят ба  Covid-19 аз ҳама давлатҳо пешӣ гирифтааст, вале ҳукумати ин кишвар талоше барои ҷорӣ кардани маҳдудиятҳои нав надорад. Мавҷи нави сироят ба коронавирус кулли давлатҳои Аврупои Шарқиро фаро гирифтааст. Ин аслан ҳамин  мамолике мебошанд, ки ба теъдоди камтар аз дигарон аҳолиашон воксан гирифтаанд.

Аз имрӯз, душанбе, 25-уми октябр дар шаҳри Москав маҳдудиятҳои нав барои пешгирӣ аз авҷи бесобиқаи сироят ба коронавирус ҷорӣ мешаванд. Ба сабаби авҷи гирифторӣ ба Covid-19 қарор аст аз рӯзи панҷшанбе дар пойтахти Русия локдауни нав эълон шавад. Бино ба фармони шаҳрдори Москав Сергей Собянин аз имрӯз шахсони болотар аз синни 60 ва ҳамаи онҳое, ки бемориҳои куҳна доранд, бояд аз хона берун нашаванд.

Шумори гирифторони коронавирус дар олам ба 242 миллиону 291ҳазору  693 нафар расидааст. Аз аввали пандемия дар ҷаҳон 4 миллиону 928 ҳазору 042 нафар ҷони худро аз даст доданд. Ҳамоно ИМА, Ҳинд, Бразилия дар сегонаи кишварҳое мебошанд, ки теъдоди бештари сироятёфтагон ба ин вирус доранд.  Аз аввали ҳамагирӣ то кунун дар олам 6 миллиарду 617 ҳазору 986 дозаи ваксинаи зидди коронавирус тақсим карда шудааст. 

Вазорати тандурустӣ ва ҳифзи иҷтимоии Ҷумҳурии Тоҷикистон шоми дирӯз аз ошкор шудани ду бемори гирифтори COVID-19 хабар дод. Ин  манбаъ ҳамчунин гуфт, ки  “аз аввали бақайдгирӣ то имрӯз  дар кишвар 17086 нафар гирифторони сирояти коронавирус ба қайд гирифта шуда, аз ин шумора 16960 нафар  шифо ёфтаанд. Инчунин аз бемории мазкур 124 нафар шаҳрвандони мамлакат фавтидаанд”.

Мубталоён ба коронавирус дар саросари олам субҳи имрӯз, 8 октябр  237 миллиону 485 ҳазору 561 нафар ва ҷонбохтагон 4 миллиону 847 ҳазору 338 нафар эълон шуд. Аз ин беморӣ то кунун 214 миллиону 561 ҳазору 273 нафар ҷон ба саломат бурдаанд.

Дар Русия шабонарӯзи гузашта боз 27 550 гирифтори нав ба коронавирус ба қайд гирифта шуд, рӯзе қабл 25 133...